8-nji martda Arkadag şäherindäki Gurbanguly Berdimuhamedow adyndaky çagalar sagaldyş-dikeldiş merkezinde bejergi alýan gyzjagazlara Türkmenistanyň Prezidentiniň adyndan Halkara zenanlar güni mynasybetli pul sowgatlaryny gowşurmak dabarasy geçirildi. Bu barada TDH agentligi habar berdi.
Çagalara Türkmenistanyň Halk Maslahatynyň Başlygynyň adyndan hem baýramçylyk sowgatlary berildi.
Gowşurylan baýramçylyk sowgatlary uly buýsanç duýgulary bilen kabul edildi. Merkezde bejergi alýan çagalar öz hoşallygyny aýdym-sazly çykyşlaryň üsti bilen beýan etdiler.
