2026-njy ýylyň 7-nji martynda Türkmenistanyň Daşary işler ministri Raşid Meredow bilen Azerbaýjan Respublikasynyň Daşary işler ministri Jeýhun Baýramowyň arasynda telefon arkaly gepleşik geçirildi. Bu barada Türkmenistanyň daşary syýasat edarasynyň metbugat gullugy habar berýär.
Söhbetdeşligiň dowamynda taraplar Ýakyn we Orta Gündogar sebitinde emele gelen häzirki ýagdaýy ara alyp maslahatlaşdy we ähli çylşyrymly halkara meseleleriniň diňe parahatçylykly, syýasy-diplomatik ýollar arkaly, halkara hukugynyň esasynda çözülmelidigini nygtady.
Ministrler Azerbaýjanyň çägine amala aşyrylan soňky howa hüjümleri barada durup geçmek bilen, döwletleriň özygtyýarlylygyny hormatlamak ýaly BMG-niň Tertipnamasynyň esasy ýörelgeleriniň bozulmagyna ýol berilmeli däldigini aýratyn belledi.
Şeýle-de, gepleşigiň barşynda sebitdäki durnuklylyk we ynsanperwerlik meseleleri boýunça pikir alyşmalar boldy.
