Türkmenistanyň Prezidenti Serdar Berdimuhamedow Halkara zenanlar gününiň dabaraly bellenilmegi sebäpli dynç gününiň 8-nji martdan 9-njy marta — duşenbe gününe geçirmek baradaky resminama gol çekdi. Bu karar şu gün Döwlet Baştutanynyň sanly ulgam arkaly geçiren Ministrler Kabinetiniň mejlisinde yglan edildi. Bu barada "Watan" habarlar gepleşiginde aýdyldy.
Mejlisde ýurdumyzda şu ýylyň ilkinji iki aýynda alnyp barlan işleriň jemlerine bagyşlanyldy.
Döwlet Baştutany mejlisi jemläp, hökümet agzalaryna ýüzlendi we ýurdumyzyň Halkara zenanlar gününi giňden bellemäge taýýarlanýandygyny belledi. Şunuň bilen baglylykda, baýramçylyk çärelerini geçirmek we dynç gününi geçirmek barada degişli resminama gol çekildi.
Pursatdan peýdalanyp, hormatly Prezidentimiz eziz enelerimizi, mähriban gelin-gyzlarymyzy Halkara zenanlar güni bilen tüýs ýürekden gutlady.
