Alphabet Inc holdingine degişli bolan Google kompaniýasy özüniň tensor prosessorlaryny kireýine bermek boýunça Meta Platforms korporasiýasy bilen ylalaşyk baglaşdy diýip, The Information neşiri geleşiklere gatnaşyjylaryň sözlerine salgylanyp habar berýär. Hasabata görä, köp ýyllyk hyzmatdaşlyk birnäçe milliard dollar möçberinde bahalandyrylýar.
Meta Platforms bu çipleri emeli aňyň täze nusgalaryny döretmek üçin peýdalanar. Şu hepdede gurama bäsdeşlerinden yza galmazlyk üçin AMD kompaniýasy bilen hem mikroshemalary üpjün etmek barada uzak möhletleýin şertnama baglaşypdy.
Google üçin bu ädim, iň kämil emeli aň prosessorlary bazarynda NVIDIA Corporation bilen bäsleşigi güýçlendirmegiň guralydyr. Mundan ozal eýýäm gözleg läheňiniň birnäçe startaplar tarapyndan ulanylýan öz enjamlaýyn çözgütleriniň bazaryny giňeltmegiň ýollaryny gözleýändigi habar berlipdi.
Baglaşylan ylalaşyga garamazdan, öndüriji önümçilik çäklendirmeleri bilen ýüzbe-ýüz bolmagyny dowam edýär. Şeýle hem, häzirki wagtda giň gerimli kompaniýalar hökmünde tanalýan iri bulut hyzmatlaryny üpjün edijiler tarapyndan korporasiýanyň önümlerine bolan gyzyklanma henizem pesligine galýar.
