Beýik Britaniýanyň Türkmenistandaky ilçihanasy ýurduň wiza ulgamyndaky üýtgeşmeler barada habar berdi. 2026-njy ýylyň 25-nji fewralyndan başlap, Beýik Britaniýanyň immigrasiýa ulgamy sanly görnüşe geçdi.
Diplomatik wekilhananyň berýän maglumatyna görä, Beýik Britaniýa girmek üçin wiza talap edilýän ähli daşary ýurt raýatlary indi diňe elektron wiza (eVisa) alar. Ol mundan ozal pasporta ýelmenýän wiza ýelmentgileriniň ornuny tutar.
Arza berijileriň wiza statusy baradaky maglumatlar Beýik Britaniýanyň immigrasiýa gulluklarynyň ulgamynda elektron görnüşde saklanýar. Pasportdaky fiziki resminama indi ulanylmaýar.
Ilçihana syýahat wagtynda ýüze çykyp biljek kynçylyklaryň öňüni almak üçin, täzelenen düzgünler we wiza resminamalaryny resmileşdirmegiň tertibi bilen öňünden tanyşmagy maslahat berýär.
Täze ulgam baradaky goşmaça maglumatlar Beýik Britaniýanyň hökümetiniň resmi saýtynda ýerleşdirilendir: http://gov.uk/eVisa.
Beýik Britaniýanyň ilçihanasy sanly wiza ulgamyna geçilýändigini mälim etdi
- 28.02.2026 14:06
- 4.1k+
