«Awtomobil Ulag hyzmaty» açyk görnüşli paýdarlar jemgyýeti Aşgabatdan Mary we Baýramaly şäherlerine gatnaýan şäherara awtobus gatnawlarynyň ugraýan ýeriniň üýtgeýändigini habar berýär. Bu üýtgeşme 2026-njy ýylyň 1-nji martyndan güýje girer.
Görkezilen seneden başlap, agzalan ugurlar boýunça awtobuslar Aşgabadyň Halkara awtomenzilinden däl-de, Awtokombinat belleniş nokadyndan ugrar.
Awtokombinat ugraýyş nokady Aşgabat şäheriniň Atamyrat Nyýazow şaýolunyň ugrunda ýerleşýär. Iki ugur boýunça hem awtobuslaryň gatnawy gündelik amala aşyrylar.
Kompaniýanyň habarynda bellenilmegine görä, bu üýtgetmeler ilatyň ulag hyzmatlaryna bolan islegini kanagatlandyrmak we hyzmatyň hilini ýokarlandyrmak boýunça görülýän çäreler bilen baglanyşyklydyr.
Goşmaça maglumat almak üçin bellenilen telefon belgilerine ýüz tutup bilersiňiz: +99361-49-34-95 we 44-35-20.
Aşgabat — Mary we Aşgabat — Baýramaly awtobus gatnawlary täze nokatdan ugrar
- şu gün 18:09
- 1.4k+
