2026-njy ýylyň 1-nji martyndan başlap, Aşgabat – Ýolöten ugry boýunça gündelik awtobus gatnawy işe girizilýär. Bu barada «Awtomobil Ulag hyzmaty» açyk görnüşli paýdarlar jemgyýeti mälim etdi.
Täze ugurlaryň açylmagy we ýolagçylara hem-de daşary ýurtly myhmanlara hyzmat etmegiň hiliniň ýokarlandyrylmagy Türkmenistanyň awtomobil ulaglary ulgamyny döwrebaplaşdyrmagyň hem-de dünýäniň öňdebaryjy öndürijileriniň häzirkizaman tehnikalaryny ornaşdyrmagyň çäginde amala aşyrylýar diýlip, edaranyň habarynda bellenilýär.
Awtobus Aşgabatdan sagat 13:00-da Atamyrat Nyýazow şaýolundaky Awtokombinat belleniş nokadyndan, Ýolöten etrabyndan bolsa sagat 09:00-da ugrar.
Habarlaşmak we goşmaça maglumat almak üçin ýolagçylar şu telefon belgilerine ýüz tutup biler: +99361-49-34-95 we 44-35-20.
Aşgabat – Ýolöten ugry boýunça gündelik awtobus gatnawy ýola goýulýar
- 26.02.2026 18:22
- 9k+
