Google kompaniýasy Newada ştatyndaky maglumat merkezleriniň (data-center) işini üpjün etmek üçin kuwwaty 150 MWt çenli bolan geotermal energiýany satyn almak barada 15 ýyllyk şertnama gol çekdi. Ylalaşyk Berkshire Hathaway-iň düzümine girýän NV Energy jemgyýetçilik hyzmaty we geotermal energetika pudagynda işleýän Ormat kompaniýasy bilen baglaşyldy.
Şertnamanyň şertlerine görä, Google elektrik energiýasyny durnukly hasaplanýan geotermal çeşmelerden alar. Bu çeşmeler gün we ýel energiýasyndan tapawutlylykda, howa şertlerine garamazdan gije-gündizleýin energiýa öndürip bilýärler.
Taslamanyň döwlet edaralaryndan iň soňky rugsatnamany şu ýylyň ikinji ýarymynda almagyna garaşylýar.
Kuwwatlandyryş ulgamynyň işe girizilmegi 2028-nji ýyldan 2030-njy ýyla çenli, ýagny Ormat kompaniýasynyň geotermal elektrik stansiýalarynyň giňelmegine görä tapgyrlaýyn amala aşyrylar.
