Fransiýada Gün energiýasynyň rekord derejede öndürilmegi sebäpli, elektrik energiýasynyň bahasy noldan hem aşak düşdi.
«24KZ» teleýaýlymynyň berýän maglumatyna görä, maý aýynda Gün energiýasyny öndürmegiň göwrümi 38 gigawatta ýetdi. Bu geçen ýyl bilen deňeşdirilende 10% köpdür we soňky alty ýylyň dowamynda şu möwsüm üçin iň ýokary derejedir.
Bahalaryň aşak düşmegine diňe bir Günüň energiýasy däl, eýsem atow energetikasy hem täsir etdi. Bu iki uguryň bilelikdäki güýçli öndürijiligi fransuz bazarynda bahalaryň minus bolmagyna eltdi.
Habarda bellenilişi ýaly, soňky onlarça ýylyň dowamynda Gün energetikasy Ýewropa ýurtlarynda beýleki ähli ugurlardan has çalt ösdi. 2020-nji ýyldan bäri Gün energiýasyny öndürýän kuwwatlyklar 115%-den hem köp artdy.
