Fonogramma öndürijileriniň halkara federasiýasy (IFPI) 2025-nji ýylyň iň meşhur on sany albomynyň reýtingini çap etdi. Global sanawda birinji orny «The Life of a Showgirl» albomy bilen Teýlor Swift eýeledi.
Reýting düzülende fiziki göterijileriň (kompakt-diskler we winil plastinkalary) satylyşy, sanly göçürmeler hem-de striming platformalaryndaky diňlenme sany hasaba alyndy.
2025-nji ýyl üçin IFPI-iň global albom çartynyň ilkinji onlugy:
- Taylor Swift — «The Life of a Showgirl»
- Morgan Cole Wallen — «I’m The Problem»
- «K-pop demon awçylary» (K-Pop Demon Hunters) multfilminiň saundtreki
- Bad Bunny — «Debí Tirar Más Fotos»
- Sabrina Carpenter — «Short n’ Sweet»
- Stray Kids — «Karma»
- SZA — «SOS»
- Billie Eilish — «Hit Me Hard and Soft»
- Lady GaGa — «Mayhem»
- Mrs. Green Apple — «10»
Teýlor Swiftiň bu albomy fiziki göterijilerde satylmak boýunça hem öňe saýlandy. Aýdymçy eýýäm dördünji ýyl yzygiderli winil plastinkalarynyň satylyş möçberi boýunça öz şahsy rekordyny täzeleýär.
Mundan ozal Swift «The Life of a Showgirl» albomyndaky «Opalite» singli üçin wideo klip çykarypdy. Klipiň surata düşürilişine Killian Mýorfi, Donall Glison, Greta Li, Jodi Terner-Smit we Lýuis Kapaldi ýaly meşhurlar gatnaşdy. Olar oktýabr aýynda Teýlor Swift bilen bilelikde «Grem Norton şüweleňine» (The Graham Norton Show) myhman bolupdylar.
