Tehnologiýa ägirtleriniň maliýe goldawyna garamazdan, OpenAI hususy startap bolmagyna galýar we öz maliýe görkezijilerini aýan etmäge borçly däl. Şeýle-de bolsa, resmi däl çeşmelerden gelýän maglumatlara görä, kompaniýanyň 2030-njy ýyla çenli 600 milliard dollar sarp etmegi meýilleşdirýändigi belli boldy. Emma ol wagt kompaniýa 280 milliard dollara barabar ýyllyk girdejisi lyp başlar.
Bloomberg bu çaklamanyň hyzmatlary abunalyklar we mahabat arkaly monetizasiýa etmek mümkinçiligine esaslanýandygyny belleýär.
2024-nji ýylda kompaniýanyň girdejisi takmynan 6 milliard dollar, 2025-nji ýylda bolsa 20 milliard dollardan geçdi. Resmi netijelere bil baglap aýtsak, çaklanylan 10 milliard dollaryň ýerine 13 milliard dollar gazanyldy. Şeýle hem 2025-nji ýylda 9 milliard dollar meýilleşdirilen bolsa-da, edilen çykdajy 8 milliard dollara barabar boldy.
The Information neşiri Open AI-yň emeli aň modellerine öwretmek üçin eden çykdajylarynyň 2025-nji ýylda dört esse artandygyny habar berýär. Bu bolsa girdeji derejesiniň 40%-den 33%-e düşmegine sebäp boldy. Edil şol ýylda, Nvidia kompaniýany maliýeleşdirme şertlerini üýtgedip, uzak möhletleýin basgançakly ulgama geçdi. Muňa garamazdan, şu ýyl Nvidia startapa 30 milliard dollar çemesi kömek berip biler. Bu serişdeleriň esasy bölegi hasaplaýyş infrastrukturasy üçin enjamlary satyn almaga gönükdiriler.
OpenAI-yň ýolbaşçylary 2030-njy ýyla çenli girdejiniň deň ýarysynyň sarp edijilerden, galan ýarysynyň bolsa korporatiw segmentinden geljekdigine garaşýarlar.
