Tesla kompaniýasy özüniň meşhur Cybertruck elektrik pikapynyň täze, has arzan görnüşini hödürledi. Iki motorly we ähli tigirleri hereketlendiriji ulgamly bu model 60 müň dollar bahasy bilen häzirki wagtda hataryň iň elýeterli pikapy boldy.
Täze model arzan bolsa-da, özüniň ýokary görkezijilerini saklap galmagy başardy. Ulag bir gezekki zarýady bilen 523 km-e çenli ýol geçip bilýär. 0-dan 100 km/sag tizlige bary-ýogy 4,1 sekuntda ýetýär. 325 kWt-a çenli çalt zarýad beriş ulgamyny goldaýar.
Pikap 3400 kg-a çenli ýüki çekip bilýär we onuň öz agramy 2950 kg-a deňdir.
Awtoulag hem iş, hem-de gündelik durmuş üçin niýetlenen birnäçe aýratynlyklara eýedir. Elektropriwodly ýük platformasy we dürli enjamlary birikdirmek üçin üç sany rozetka (iki sany 120V we bir sany 240V) bar.
Adaptiw amortizatorly puržin podweska hem-de ähli möwsüm üçin niýetlenen şinaly 18 dýuýmlyk tekerler bilen üpjün edilen.
Içki bezegde uzak möhletleýin we çydamly mata ulanylypdyr. Öň tarapda 18,5 dýuýmlyk äpet displeý ýerleşýär.
Bu tygşytly wersiýada bahany aşak düşürmek üçin yzky ýolagçylar üçin niýetlenen 9 dýuýmlyk goşmaça ekran aýrylypdyr.
