Prezident Serdar Berdimuhamedow 20-nji fewralda sanly ulgam arkaly geçirilen Ministrler Kabinetiniň mejlisiniň dowamynda Halkara zenanlar güni mynasybetli ýurduň zenanlaryna pul sowgatlaryny bermek hakyndaky Buýruga gol çekdi. Bu barada «Watan» habarlar gepleşiginde habar berildi.
Wise-premýer H. Geldimyradow pul sowgatlaryny bermek boýunça geçirilen işleriň netijeleri barada hasabat berdi. Döwlet syýasatyna we degişli karara laýyklykda, döwlet Baştutanynyň adyndan ýurduň enelerine we gyz-gelinlerine gowşuryljak pul serişdeleriniň möçberi kesgitlenildi.
Mejlisiň dowamynda Prezident Türkmenistanda enelerimize we zenanlarymyza uly hormat goýulýandygyny, olar üçin ähli döwrebap şertleriň döredilýändigini belledi hem-de wise-premýere pul sowgatlarynyň dabaraly ýagdaýda gowşurylmagyny üpjün etmegi tabşyrdy.
