Tesla kompaniýasy «Cybercab» elektromobiliniň köpçülikleýin önümçiligine başlandygyny yglan etdi. Ilkinji seriýaly awtomobil eýýäm önümçilikden çykdy.
Tesla Ilon Maskyň ozal beren wadasyny ýerine ýetirmegi we 2026-njy ýylyň ahyryna çenli ulagy alyjylara 30 müň dollardan ýokary bolmadyk bahadan gowşurmagy meýilleşdirýär.
2024-nji ýylyň oktýabr aýynda tehnobloger Markes Braunli agzalan möhletleri berjaý etmegiň we şol bahany saklamagyň mümkindigine köpçülikleýin şübhe bildiripdi.
«Olar munuň hötdesinden hiç hili gelip bilmezler. Eger başarsalar, men kameranyň öňünde saçymy syrdyraryn. Men munuň başa barmajakdygyna şeýle bir ynanýaryn» — diýip, Braunli aýdypdy.
Indi, köpçülikleýin önümçilik başlanandan soň, Tesla diňe bir awtomobil öndürmek bilen däl, eýsem wada berlen bahany saklamak bilen hem öz maksatlaryny tassyklamaly bolar. Ýylyň ahyryna çenli bolsa on aýdan gowrak wagt bar.
