Ýaponiýanyň parlamentiniň ýokary palatasy Sanae Takaitini ýurduň 105-nji premýer-ministri hökmünde saýlady. NHK telekanalynyň berýän habaryna görä, ses berilişik hanym Takaitä ýeňiş üçin zerur bolan sesleriň takyk ýarysyny toplamak üçin bary-ýogy birje sesiň ýetmezçilik edendigi sebäpli iki tapgyrda geçirildi. Ikinji tapgyrda bolsa netijeler has aýdyň boldy.
Sanae Takaiti 125 deputatyň sesini gazanmagy başaran bolsa, bäsdeşi Dzunýa Ogawa 65 ses gazandy. Indi şu günüň dowamynda Ministrler kabinetiniň täze düzümi yglan ediler. Hökümet düzüminiň aglaba böleginiň öňküligine galmagyna garaşylýar.
Sanae Takaiti ilkinji gezek 2025-nji ýylyň 21-nji oktýabrynda premýer-ministr wezipesine girişip, Ýaponiýanyň tutuş taryhynda bu mertebeli orny eýelän ilkinji zenan boldy. Öňki hökümet baştutany Sigeru Isibanyň wezipesinden gitmeginden soň, bellenen möhletinden öňki saýlawlarda uly üstünlik gazanan Takaiti şu ýylyň ýanwar aýynda parlamentiň aşaky palatasyny dargatdy. Fewralda gaýtadan geçirilen saýlawlarda Takaitiniň ýolbaşçylygyndaky Liberal-demokratik partiýa (LDP) parlamentdäki 465 ornuň 316-syny eýeläp, rekord derejede ýeňiş gazanmagy başardy.
Sanae Takaiti Ýaponiýanyň premýer-ministri wezipesine gaýtadan saýlandy
- 18.02.2026 17:02
- 2.6k+
