ABŞ-ly bobsleýçi Elana Maýers-Teýlor Italiýada geçirilýän 2026-njy ýylyň gyşky Olimpiýa oýunlarynda monobob ýaryşynda ýeňiş gazandy. Ol dört tapgyryň netijesi boýunça, aýgytly pursatda öňe saýlanyp, birinji orny eýeledi. Ýaryşyň final tapgyrynyň öň ýanynda türgen zenan ikinji orunda barýardy.
Bu ýeňiş Maýers-Teýlor üçin Olimpiýa oýunlarynyň ilkinji altyn medaly boldy. Oňa mundan ozal üç gezek kümüş we iki gezek bürünç medalyň eýesi bolmak başartdy.
Şeýle-de Elana Teýlor gyşky Olimpiadanyň taryhynda şahsy ýaryşda ýeňiji bolan iň uly ýaşly türgen hökmünde rekord goýdy. Final ýaryşlara gatnaşýan wagty türgen zenan 41 ýaş, 4 aý we 6 gününi doldurypdy.
Mundan öňki rekord snoubordçy Benýamin Karla degişli bolup, ol birnäçe gün öň 2026-njy ýylyň oýunlarynda 40 ýaşynda altyn medal alypdy.
Bobsleýçi zenan ýeňşi bilen däl, ýaşy bilen rekord goýdy
- 17.02.2026 20:42
- 7.5k+
