Iri golliwud studiýalary Hytaýyň ByteDance kompaniýasyny öz neýroulgamlaryna tälim bermek üçin awtorlyk hukugy bilen goralan kontenti yzygiderli ulanmakda aýypladylar. Şikaýat eden kompaniýalaryň arasynda Disney we Paramount Skydance bar diýip, Variety habar berýär.
Nägileliklere Seedance 2.0 platformasynyň meşhurlygy sebäp boldy. Şu hepde internede bu emeli aň tarapyndan ýasalan wideolar, şol sanda Tom Kruz bilen Bred Pittiň üçekdäki çyna berimsiz söweş sahnalary giňden ýaýrady.
2026-njy ýylyň 15-nji fewralynda Paramount kompaniýasy ByteDance-iň ýolbaşçylaryna bikanun hereketleri bes etmek barada talapnama ugratdy. Studiýa Seedance (wideo) we Seedream (surat) generatiw neýroulgamlarynyň materiallary birugsat ulanýandygyny görkezdi. Hatda mysal hökmünde «Günorta Park» («Южный Парк»), «Ýyldyzly ýol» («Звёздный путь») we «Çokundyran ata» («Крестный отец») ýaly meşhur franşizalaryň atlary aýratynlykda agzalýar.
Ondan öň ByteDance-e ýokarka meňzeş resminamany Disney hem ugradypdy. Korporasiýanyň ýuristleri Hytaýyň tehno ägirdiniň «Ýyldyz uruşlary» («Звёздных войн») we Marvel gahrymanlaryny göwnübirlik bilen ulanýandygyny we olara «mugt, elýeterli kontent» hökmünde seredýändigini mälim etdiler.
«ByteDance tarapyndan intellektual eýeçiligiň wirtual ogurlygy — bu bilkastlaýyn gurnalan, hemme ýere ýaýradylan we asla ýol berilmeli däl ýagdaýdyr» diýip, Disney-e wekilçilik edýän Jenner & Block ýuridik firmasynyň wekili Dewid Singer belledi.
Amerikan kino kompaniýalarynyň assosiasiýasy (MPA) «bikanun hereketleri derrew bes etmegi» talap etdi.
ByteDance tarapyndan häzirlikçe bu talaplara resmi teswir berilmedi.
