Joyrider Films-iň amerikaly režissýory Ruairi Robinson Bred Pitt bilen Tom Kruzuň biri-biri bilen söweşýän örän realistik wideosyny tanyşdyrdy. Bu iş ByteDance kompaniýasynyň Seedance 2.0 neýroulgamy arkaly taýýarlanyp, hakyky düşürilişden diýen ýaly tapawutlanmaýar.
Robinson diňe bir esasy wideony däl, eýsem şol bir söweş sahnasynyň dürli wariantlaryny hem çap etdi. Olarda: Bred Pittiň ýa-da Tom Kruzuň ýerine nindzýa-zombi ýa-da robot söweşýär.
Gahrymanlaryň gepleşikleri, dürli kamera rakurslary we ses effektleri goşuldy.
Ähli wersiýalarda hem hereketleriň dinamikasy, söweş meýdançasy we gahrymanlaryň plastikasynyň takyklygy doly saklanyp galýar.
"Muny aýtmak gaty agyr, ýöne tehnologiýanyň bu derejesi industriýa üçin ähli zadyň gutarandygyny aňladýan bolsa gerek" diýip, meşhur ssenariçi we kinoprodýuser Rett Riz bu wideolaryň hili barada bellik etdi.
Bu garaýyş Golliwud hünärmenleriniň arasyndaky esasy gorkyny — emeli aňyň kaskadýorlary, operatorlary we hatda gymmat bahaly ýyldyzlary hem eýýäm çalşyp biljekdigini açyp görkezýär.
