Aşyrguly Begliýew pensiýa gitmegi sebäpli, Türkmenistanyň Prezidentiniň nebitgaz meseleleri boýunça geňeşçisi wezipesinden boşadyldy. Bu barada Prezident Serdar Berdimuhamedow Ministrler Kabinetiniň giňişleýin mejlisiniň dowamynda yglan etdi, diýip, «Watan» habarlar gepleşiginde habar berildi.
Ýeri gelende aýtsak, Aşyrguly Begliýew Türkmenistanyň Prezidentiniň Nebitgaz meseleleri boýunça geňeşçisi wezipesini 2022-nji ýylyň 8-nji aprelinden 2023-nji ýylyň 10-njy fewraly aralygynda ýerine ýetirdi. Soňra ol Ministrler Kabinetiniň Başlygynyň ýangyç-energetika toplumyna gözegçilik edýän orunbasary wezipesinde işledi. 2023-nji ýylyň maý aýynda bolsa ýene geňeşçi wezipesine bellenildi.
Türkmenistanyň Prezidentiniň nebitgaz meseleleri boýunça geňeşçisi wezipesinden boşadyldy
- 14.02.2026 07:09
- 12k+
