13-nji fewral gijesi Luwry suw basdy. Pariž muzeýiniň tehniki gulluklary «adatdan daşary ýagdaý» yglan etdiler diýip, BFMTV habar berýär.
Waka muzeýiň XV–XVI asyrlaryň sungat eserleri saklanýan «Dýuşatel» atly 707-nji zalynda boldy. Bar bolan maglumatlara görä, eserleriň bir bölegine düýpli zeper ýetdi, häzirki wagtda olaryň ýagdaýyny anyklamak üçin barlag işleri başlandy.
Adatdan daşary ýagdaýyň ýüze çykmagyna binanyň ýokarky gatlarynyň birindäki turba näsazlygy sebäp boldy diýlip çaklanylýar.
Häzirki wagtda 706-njy zaldan 708-nji zala çenli bölümler gelim-gidimler üçin ýapyk saklanylýar.
Soňky döwürde Luwruň ady habarlar dünýäsinde ýygy-ýygydan dile düşýär. 2025-nji ýylyň oktýabr aýynda bu muzeýde uly talaňçylyk bolupdy. Işçi eşigindäki näbelli adamlar awto-göterijiniň kömegi bilen muzeýe aralaşyp, sanlyja minudyň dowamynda Napoleonyň toplumyndan takmynan 88 million ýewro gymmatyndaky şaý-sepleri ogurlapdylar. Ogurlanan gymmatlyklaryň arasynda monjuk, tumar we diodema bar. Imperator zenan Ýewgeniýanyň täjini bolsa jenaýatçylar gaçyp barýarkalar ýere gaçyrypdylar. Biraz wagt geçenden soň, ogrularyň gymmatlyklaryň bir bölegini darknet arkaly gizlin satmaga synanyşandyklary-da belli boldy.
BFMTV: Luwry suw basyp, eksponatlaryň birnäçesine zeper ýetdi
- şu gün 19:14
- 1.5k+
