Mumbaýda Minerva Tower atly ýaşaýyş toplumynyň gurluşygy tamamlandy. Bu bina 301 metr beýikligi bilen Hindistanyň iň beýik gökdiräni boldy. Bu barada taslamany işläp düzen "Architect Hafeez Contractor" arhitektura býurosy habar berdi.
91 gatly bina umumy binýat (podium) arkaly birleşdirilen iki sany demir-beton diňden ybaratdyr. Toplumda egreldilen terraslary we çuňňur gurlan balkonlary bolan 362 sany öý bar. Binanyň penjirelerinden Mahalakşmi ippodromyna we Arabystan deňzine ajaýyp görnüşler görünýär.
Minerva Tower şäheriň harabalyklary azaltmak we 2,6 gektar meýdany eýeleýän resmi däl obalary täzelemek baradaky maksatnamasynyň çäginde guruldy. Arhitektura býurosy Hindistanda beýik binalaryň rekord goýmak üçin däl-de, iri şäherlerdäki ýer gytçylygy sebäpli gurulýandygyny nygtady.
Şol bir wagtyň özünde, Mumbaýda ikinji bir beýik bina — Palais Royale-yň gurluşygy dowam edýär. Onuň beýikligi eýýäm 320 metre ýetdi, emma bina heniz ulanmaga berilmedi.
