Alymlar aloe wera ösümliginiň düzüminde Alsgeýmer keselini bejermek üçin zerur dermanlaryň esasyny düzüp biljek täze bir birleşmäni ýüze çykardylar. Beta-sitosterol diýlip atlandyrylýan bu madda ýatkeşligiň peselmegi bilen bagly iki sany fermentiň işine täsir etmäge ukyply.
Alsgeýmer keseli beýni nerw öyjükleriniň habar alyşmagyny üpjün edýän asetilholin maddasynyň azalmagy zerarly ýüze çykýar. Ony bolsa asetilholinesteraza (AChE) we butirilholinesteraza (BChE) fermentleri dargadýar. Asetilholini saklap galmaga we alsgeýmerli syrkawlaryň ýagdaýyny ýeňilleşdirmäge hut şu fermentleriň işini haýalladýan dermanlar zerur bolup durýar.
Current Pharmaceutical Analysis žurnalynda neşir edilen barlagda alymlar kompýuter hasaplamalarynyň kömegi bilen aloý weradaky birnäçe birleşmäni öwrendiler we maddalaryň AChE we BChE fermentleri bilen baglanyşygyny seljeridiler.
Barlaglaryň barşynda baglanyşyk energiýasy AChE üçin 8,6 kkal/mol we BChE üçin 8,7 kkal/mol bolan beta-sitosterol gowy netije görkezdi. Mundan ötri, organizme siňişi we toksikliligi taýdan hem beta-sitosteroluň görkezijileri ýantar turşusy ýaly amaly taýdan oňaýly boldy.
Aloe weranyň düzüminde Alsgeýmer keseline garşy madda tapyldy
- 15.02.2026 13:47
- 3k+
