17-nji fewralda Ankaranyň Ýaşar Kemal adyndaky medeniýet merkeziniň «İnce Memed» zalynda Oguzhan adyndaky «Türkmenfilm» birleşigi tarapyndan düşürilen «Kompozitor» filminiň görkezilişi bolar. Bu çäre Türkmenistanyň Türkiýe Respublikasyndaky ilçihanasy tarapyndan Türki medeniýetiň halkara guramasy (TÜRKSOÝ) bilen bilelikde guralýar.
Filmiň görkezilişi sagat 14:00-da başlanar.
«Kompozitor» filmi eýýäm halkara derejesinde ykrarnama eýe boldy. 2025-nji ýylyň noýabr aýynda Moskwa şäherinde, Nikita Mihalkowyň «Masterskaýa 12» teatrynda geçirilen «Brilliant kebelek» halkara kinobaýragynyň gowşurylyşynyň birinji dabarasynda, ildeşimiz Meýlis Hudaýberdiýew bu filmiň üstünde bitiren işi üçin «Iň gowy hudožnik» diýlip yglan edildi. Onuň alan baýragynyň bahasy 250 müň ABŞ dollaryna barabardyr.
Filmiň görkeziljek salgysy: Ankara şäheri, Zülfü Tigrel şaýoly, 3-nji jaý.
Ankarada «Kompozitor» atly türkmen filmi görkeziler
- 12.02.2026 14:08
- 3.4k+
