2026-njy ýylyň 9-njy fewralynda Türkmenistanyň Tailand Patyşalygyndaky Ilçisi (oturýan ýeri Kuala-Lumpur şäheri) M.Maşalow Tailandyň Daşary işler ministrliginiň Protokol departamentiniň başlygy Çakkrid Kraçaýwong bilen duşuşdy we ynanç hatlarynyň nusgalaryny gowşurdy. Bu barada Türkmenistanyň Daşary işler ministrliginiň metbugat gullugy habar berýär.
Tailand tarapy täze bellenilen Ilçini jogapkärli wezipesi bilen gutlap, oňa diplomatik işinde uly üstünlikleri arzuw etdi we hemmetaraplaýyn goldaw bermäge taýýardygyny tassyklady. Gepleşikleriň dowamynda diplomatlar döwletara gatnaşyklary ösdürmekde ýokary derejeli saparlaryň ähmiýetini nygtady hem-de iki ýurduň döwlet Baştutanlarynyň duşuşyklaryny guramagyň mümkinçiliklerini ara alyp maslahatlaşdy.
Duşuşygyň netijesi boýunça Aşgabat we Bangkokyň arasyndaky hyzmatdaşlygy has-da pugtalandyrmak maksady bilen, daşary syýasat edaralarynyň derejesinde yzygiderli gatnaşyklary saklamak barada ylalaşyk gazanyldy.
Türkmenistanyň Tailand Patyşalygyndaky Ilçisi ynanç hatlarynyň nusgalaryny gowşurdy
- 10.02.2026 17:52
- 3k+
