AFK-nyň Çempionlar ligasy 2-niň 1/8 finalynyň çäklerinde geçiriljek Türkmenistanyň «Arkadag» we Saud-Arabystanynyň «Al-Nasr» klublarynyň arasyndaky taryhy duşuşygyň öňüsyrasynda, paýtagtyň «Arkaç» we «Berkarar» söwda-dynç alyş merkezlerinde ýörite fan-zonalar işläp başlady.
Bu ýerde futbol muşdaklary üçin dürli hyzmatlar we güýmenjeler garaşýar. Hususan-da, ýörite döredilen atributika burçlarynda janköýerler öz söýgüli toparyny goldamak üçin klublaryň reňklerindäki futbolkalary, şarflary we beýleki aksessuarlary satyn alyp biler. Şeýle-de, meşhur futbolçylaryň manekenleri bilen surata düşmäge ýa-da ýörite guralan meýdançalarda futbol oýnamaga şert döredildi. Bu ýerde öz ukybyňy görkezip, sowgat utmak mümkinçiligi-de bar.
Iň esasy täzelik, bilet alyp ýetişmedik janköýerler üçin bu fan-zonalarda oýun uly ekranlar arkaly göni ýaýlymda görkeziler. Bu bolsa futbol janköýerlerine stadionyň atmosferasyny duýmaga we öz söýgüli toparlaryna köpçülikleýin goldaw bermäge ýardam eder.
Aşgabatdaky söwda merkezlerde «Arkadag» — «Al-Nasr» oýnuna bagyşlanan fan-zonalar açyldy
- 09.02.2026 18:56
- 18k+
