LEGO we Netflix «Keý-pop melgun awçylary» (K-Pop Demon Hunters) multfilmi esasynda birnäçe toplumlaryny yglan etdiler. Birinji toplumy şu ýylyň ýazynda sargyt edip bolar, satuwa bolsa tomusda çykar.
Tizerde gaplaňy ýatladýan, pişikler maşgalasyndan bolan täsin jandar — Derpi görkezildi. Wideoda haýwan güldany agdarýar.
Beýleki toplumlar 2027-nji ýylda çykar. Multfilm Netflix-de ýarym ýylda tomaşa sany boýunça rekord goýdy: 2025-nji ýylyň ikinji ýarymynda ol 482 million gezek tomaşa edildi. Bu görkeziji striming hyzmatynyň şol bir döwürdäki islendik başga filminden ýa-da serialyndan ýokarydyr.
Sýužet Huntr/x atly zenan keý-pop topary barada gürrüň berýär. Rumi, Mira we Zoe sazyň kömegi bilen adamlary melgunlardan goraýarlar. Olara garşy bolsa Saja Boys atly erkek keý-pop topary çykyş edýär — olar Huntr/x toparynyň janköýerlerini özüne çekmäge synanyşýan, maska geýnen melgunlardyr.
Multfilm iki sany «Altyn globus» baýragyna mynasyp boldy: iň gowy animasion film we iň gowy aýdym («Golden») hökmünde.
Mattel we Hasbro kompaniýalary hem multfilm boýunça harytlary çykarýarlar. Mattel Huntr/x gurjaklaryny we kolleksiýa toplumlaryny, Hasbro bolsa ýumşak oýunjaklary, esbaplary we 2026-njy ýylyň 1-nji ýanwarynda satuwa çykan «Monopoly Deal: K-Pop Demon Hunters» kart oýnunyň ýörite görnüşini hödürlär. Beýleki harytlar 2026-njy ýylyň baharynda peýda bolar
