Germaniýanyň awiasiýa we kosmos merkeziniň (DLR) alymlary dikuçaryň ganatyny göni uçuş wagtynda üýtgedýän täze nurbaty üstünlikli synagdan geçirdiler.
Aerodinamiki turbadaky synaglar bu täze tehnologiýanyň dikuçar gonan wagty galmagaly 7 desibel azaldýandygyny we agram düşen wagty titremäni iki esse peseldýändigini subut etdi.
DLR-iň hünärmenleriniň düşündirmegine görä, synagyň dowamynda ganatlaryň ýüzüne ýörite elektrikli hereketlendirijileri gurnaldy. Olaryň täsiri bilen dikuçaryň uçuş wagtynda ganatlarynyň gyşaryş derejesi üýtgedilip, uçuş bökdençsiz amala aşyryldy. Olar bu gurluşda çylşyrymly mehaniki bölekleriň ýokdugynyň ulgamyň has durnukly işlemegine sebäp bolýandygyny nygtaýarlar.
Bu täzeçillik adaty dikuçarlary we geljekde şäher içinde gatnajak «howa taksilerini» kämilleşdirmek üçin niýetlenen. Galmagalyň we sarsgynyň peselmegi netijesinde, bu uçuş enjamlaryny ilatyň gür ýaşaýan ýerlerinde hem arkaýyn ulanmak mümkin bolar.
