«Ice Universe» insaýderi Samsung-yň geljekki «Galaxy Z Flip 8», «Galaxy Z Fold 8» we «Galaxy Z Fold 8 Ultra» eplenýän smartfonlarynyň maketleri şekillendirilen suraty çap etdi.
Deslapky maglumatlara görä, «Galaxy Z Fold 8 Ultra» uzyn görnüşini saklar we teleobýektiwli üç sany esasy kamera eýe bolar. Öz gezeginde, hataryň täze «Wide» wersiýasy hökmünde garalýan «Galaxy Z Fold 8» bolsa, has giň we planşete ýakyn dizaýny bilen tapawutlanar.
Mundan ozal hem, resmi tanyşdyrylyşlardan daşary «Galaxy Z Fold 8-iň» nusgasynyň suratlary peýda bolupdy. Samsung-yň täze enjamlaryny 2026-njy ýylyň iýulynda tanyşdyrmagyna garaşylýar.
«Ice Universe» Samsung-yň smartfonlary we şekil datçikleri baradaky köp sanly takyk maglumatlary bilen tanalýar. Hususan-da, ol 50 we 200 MP çözgütli sensorlar, şeýle hem «şaglawuk» ekranly enjamlaryň suratlary baradaky maglumatlary öňünden çap edipdi.
