2026-njy ýylyň 31-nji ýanwarynda Tokio şäheriniň Milli sungat merkezinde «Çäksiz sungat» atly halkara sergä gatnaşanlara minnetdarlyk hatlaryny gowşurmak dabarasy geçirildi. Bu barada Türkmenistanyň Daşary işler ministrliginiň metbugat gullugy habar berýär.
Çärä Ýaponiýada akkreditirlenen diplomatik wekilhanalaryň agzalary, «Ýaponiýa-Ýewraziýa» jemgyýetiniň hem-de «SUMI» halkara assosiasiýasynyň ýolbaşçylary we sungat işgärleri gatnaşdy.
«Ýaponiýa-Ýewraziýa» jemgyýeti we «SUMI» halkara assosiasiýasy tarapyndan bilelikde guralan bu sergi 22-nji ýanwar – 1-nji fewral aralygynda dowam etdi. Sergide Türkmenistanyň zehinli ýaşlarynyň 26-synyň çeken suratlary serginiň çäklerinde ýörite döredilen ýurduň diwarlygynda görkezildi.
Dabaranyň ahyrynda sergä gatnaşan türkmen mekdep okuwçylarynyň ählisine minnetdarlyk hatlary berildi.
Türkmen mekdep okuwçylarynyň işleri Ýaponiýadaky sungat sergisinde görkezildi
- düýn 16:44
- 1.1k+
