Fransiýanyň 51-nji Sezar milli kino baýragyna dalaşgärler yglan edildi. Şu ýyl nominasiýalaryň sany boýunça Riçard Linkleýteriň «Täze tolkun» (Новая волна) komediýasy öňdebaryjy boldy.
Bu film jemi on sany nominasiýada, şol sanda «Iň gowy film», «Iň gowy režissýor», «Iň gowy original ssenariý», «Iň gowy operatorlyk işi» we «Iň gowy kostýum dizaýny» ýaly kategoriýalarda baýraga dalaşgar görkezildi.
Nominasiýalaryň sany boýunça onuň yzyndan Karin Tardýeniň «Ysnyşyk» (Привязанность) dramasy, Dominik Molluň «Iş № 137» (Дело № 137) jenaýat filmi we Stefan Demustýeniň «Beýik arka» (Великая арка) taryhy taslamasy gelýär — olaryň her biri sekiz nominasiýa eýe boldy.
Týerri Klifanyň baş keşpde Izabel Ýupper bilen «Dünýäniň iň baý zenany» (Самая богатая женщина в мире) we Afsia Erziniň «Körpe uýa» filmleri alty nominasiýada görkezildi. Fransua Ozonyň «Saýry» (Посторонний) dramasy bolsa dört baýrak ugrunda bäsleşer.
Baýragyň gowşurylyş dabarasy 27-nji fewralda Parižde geçiriler.
Esasy kategoriýalarda dalaşgärleriň sanawy:
- Iň gowy film: «Ysnyşyk», «Iş № 137», «Täze tolkun», «Körpe uýa», «Ýönekeý bir tötänlik».
- Iň gowy režissýor: Karin Tardýe («Ysnyşyk»), Dominik Moll («Iş № 137»), Stefan Demustýe («Beýik arka»), Riçard Linkleýter («Täze tolkun»), Afsia Erzi («Körpe uýa»).
- Iň gowy aktrisa: Leýla Behti («Meniň ejem — jadygöý»), Waleriýa Bruni-Tedeski («Ysnyşyk»), Lea Drýuker («Iş № 137»), Izabel Ýupper («Dünýäniň iň baý zenany»), Melani Týerri («Mariananyň otagy»).
- Iň gowy aktýor: Klas Bang («Beýik arka»), Bastýen Bullon («Bagtyň taýýarlanylyş usuly»), Loran Lafitt («Dünýäniň iň baý zenany»), Pio Marmaý («Ysnyşyk»), Benžamin Wuazen («Saýry»).
- Iň gowy halkara film: «Gizlin agent», «Gara köpek», «Sirat», «Bir söweşden soň beýleki», «Sentimental gymmatlyk».
