Internet torunda emeli aňyň kömegi bilen döredilen «On This Day… 1776» («Şu gün... 1776-njy ýyl») atly taryhy serialyň treýleri peýda boldy. Filmde ABŞ-nyň garaşsyzlyk ugrundaky göreşi barada gürrüň berilýär.
Serialyň prodýuseri hökmünde «Arzuwlaryň rekwiýemi» («Реквием по мечте») we «Nuh» («Ной») filmleri bilen meşhur bolan režissýor Darren Aronofskiniň çykyş etdi. Proýektiň üstünde Google DeepMind barlag bölümi hem işledi. Serialdaky gahrymanlara professional aktýorlar ses berdiler.
«On This Day… 1776» serialynyň ilkinji bölümleri eýýäm Time studiýasynyň YouTube-kanalynda tomaşaçylar üçin elýeterli edildi. Täze bölümler ýylyň dowamynda her hepde yzygiderli görnüşde köpçülige hödürlener.
Treýleriň we seriýalaryň çykmagy jemgyýetçilik torlarynda uly jedellere sebäp boldy. Ulanyjylaryň bir bölegi, taryhy mazmuny döretmekde emeli aň tehnologiýalarynyň ulanylmagyny tankyt etdiler. Filmiň dowamynda hakykatda ýaşap geçen ABŞ-nyň ilkinji Prezidenti Jorj Waşington we Britaniýanyň patyşasy Georg III ýaly taryhy şahsyýetleriň keşbi hem peýda bolýar.
Emeli aň ABŞ-nyň taryhy hakynda serial taýýarlady
- şu gün 03:34
- 66
