WSJ: SoftBank korporosiýasy OpenAI kompaniýasyna 30 milliard dollar maýa goýar

30.01.2026 11:02
1.4k+

Ýaponiýanyň SoftBank korporasiýasy OpenAI kompaniýasyna 30 milliard dollar maýa goýmagy meýilleşdirýär. Bu barada The Wall Street Journal neşiri öz çeşmelerine salgylanyp habar berýär.
Neşiriň maglumatyna görä, ChatGPT-ni dörediji häzirki wagtda dürli maýadarlar bilen jemi 100 milliard dollar möçberinde maliýe serişdesini çekmek boýunça gepleşikleri alyp barýar.
Maliýeleşdiriş tapgyry üstünlikli tamamlanan ýagdaýynda, kompaniýanyň bazar gymmaty 830 milliard dollara çenli ýokarlandyrylar. 2025-nji ýylyň oktýabr aýynda, maýa goýumlarynyň öňki tapgyrynyň netijelerine görä, OpenAI 500 milliard dollar möçberinde bahalanypdy. Çeşmeler maýa goýujylar bilen gepleşikleriň dowam edýändigini, şol sebäpli şertnamalaryň gutarnykly şertleriniň entek üýtgedilip bilinjekdigini-de nygtaýarlar.
Mundan ozal OpenAI-yň öz paýnamalaryny ilkinji gezek köpçülige hödürlemek niýetiniň bardygy barada maglumatlar peýda bolupdy. Kärhananyň ýolbaşçylygy biržada satuwa çykanyndan soňra, guramanyň bahasynyň 1 trillion dollardan geçjekdigine tama edýär.
Häzirki wagtda SoftBank 11 göterim paýy bilen OpenAI-yň iň uly paýdary bolup durýar. Ýapon holdingi tehnologik startapy ösdürmek üçin eýýäm takmynan 22,5 milliard dollar sarp etdi.

Bloomberg: sarp ediş elektronikasy pudagyna çökgünlik garaşýar

16.02.2026 20:41

2.9k+

Bloomberg: sarp ediş elektronikasy pudagyna çökgünlik garaşýar

Dünýäniň iri tehnologiýa kompaniýalarynyň ýolbaşçylary sarp ediş elektronikasy pudagynda uly kynçylyklaryň gelip ýetýändigi barada duýdurýarlar. Emeli aň üçin niýetlenen maglumatlary işlemek merkezleriniň (data-center) örän ýokary islegi, smartfonlarda, noutbuklarda we beýleki ýokary tehnologiýaly enjamlarda ulanylýan DRAM (dinamiki operatiw ýat) mikroshemalarynyň gytçylygyna alyp barýar...

Google emeli aňy ösdürmek üçin 100 ýyllyk karz aldy

12.02.2026 11:34

2k+

Google emeli aňy ösdürmek üçin 100 ýyllyk karz aldy

Google-yň enelik kompaniýasy bolan Alphabet emeli aň taslamalaryny maliýeleşdirmek üçin üç sany halkara bazarynda obligasiýalary (gymmatly kagyzlaryny) ýerleşdirip, iki günüň içinde 32 milliard dollardan gowrak serişde ýygnady...

Ilon Mask özüniň SpaceX we xAI kompaniýalarynyň birleşýändigini yglan etdi

03.02.2026 20:11

2.8k+

Ilon Mask özüniň SpaceX we xAI kompaniýalarynyň birleşýändigini yglan etdi

Amerikaly telekeçi Ilon Mask özüniň SpaceX kosmos kompaniýasynyň we emeli aň ulgamyndaky xAI startap kompaniýasynyň birleşýändigini yglan etdi, diýlip SpaceX saýtynda habar berilýär. Işewüriň aýtmagyna görä, iki kompaniýanyň birleşmegi bir wagtda emeli aň, raketagurluşyk, internet hyzmatlaryny hödürlemek we sosial media bilen meşgullanyp biljek «innowasion maşynyň» peýda bolmagyna getirer...

FT: ABŞ-nyň ösen kompaniýalary emeli aň zerarly 52 müň işgäri işden çykarmaga taýýarlanýar

02.02.2026 10:53

2.7k+

FT: ABŞ-nyň ösen kompaniýalary emeli aň zerarly 52 müň işgäri işden çykarmaga taýýarlanýar

ABŞ-nyň iri kompaniýalary emeli aň tehnologiýalarynyň giňden ornaşdyrylmagy we zähmet bazaryndaky ösüşiň haýallamagy sebäpli 52 müňe golaý işgäri azaltmagy meýilleşdirýärler. Bu barada Financial Times neşiri habar berýär...