Mazda awtoulag öndürijisi Ýaponiýanyň Spingle aýakgap kompaniýasy bilen hyzmatdaşlykda dizaýny CX-5 krossowerinden bölekleýin ylham alan, çäkli sanda SP-MZD krossowkasyny çykardy.
Aýakgaplar diňe Ýaponiýada 14 sany ýöriteleşdirilen dükanlarda we internetde 26 500 iýen (166 dollar) bahadan satylýar.
Hirosimada ýerleşýän iki brend hem taslamany takmynan iki ýyl bäri bilelikde işläp düzýär. Täze sport aýakgaby ýedi ölçegde we iki reňkde: gara we açyk goňras görnüşde hödürlendi. Açyk goňras reňk Mazda CX-5-iň goşmaça içki bezegi bilen birmeňzeşdir.
Çäklendirilen neşir hakyky kenguru derisinden we tüýjümek gaýyşdan öndürildi.
Bu iki ýapon kompaniýasynyň arasyndaky ilkinji hyzmatdaşlyk däl: geçen ýyl hyzmatdaşlar MX-5 rodsterine bagyşlanan ak, gök we gyzyl reňkli SP-MX5 krossowkalaryny çykardylar.
