Fransiýada döwlet gullukçylaryna Google Meet we Zoom ulanmagy gadagan ederler

  • 29.01.2026 02:06
  • 1.8k+
Fransiýada döwlet gullukçylaryna Google Meet we Zoom ulanmagy gadagan ederler

Fransiýanyň hökümeti döwlet gullukçylaryna Google Meet, Zoom we Microsoft Teams ýaly Amerikanyň wideoaragatnaşyk hyzmatlaryny ulanmagy gadagan etmegi meýilleşdirýär. Bu barada Politico habar berdi.
Neşiriň berýän maglumatyna görä, premýer-ministriň diwany ýakyn günlerde resmi wezipeli şahslara wideoaragatnaşyklary diňe Fransiýanyň öz Visio platformasy arkaly geçirmek baradaky talapnamany ýollar. Bu platforma ýörite döwlet edaralarynda ulanmak üçin niýetlenendir.
Şeýle-de habarda bellenilişi ýaly, bu karar Ýewropada ABŞ-nyň kompaniýalary tarapyndan hödürlenýän sanly hyzmatlara baglylygyň artmagy bilen bagly aladalaryň çäginde kabul edildi.
Mundan ozal hem Fransiýa sanly aragatnaşyk ulgamynda şuňa meňzeş ädimleri ädipdi. 2025-nji ýylyň tomsunda resmi şahslara WhatsApp we Telegram messenjerlerinden ýüz öwürmek barada görkezme berlipdi. Olaryň deregine bolsa döwlet edaralarynyň islegleri üçin ýörite işlenip düzülen Tchap messenjerine geçmek teklip edilipdi.

Windows 11-e wezipeler paneliniň (Taskbar) ýerini üýtgedip bolmak mümkinçiligi gaýtaryldy
14.02.2026 19:03
1.1k+

Windows 11-e wezipeler paneliniň (Taskbar) ýerini üýtgedip bolmak mümkinçiligi gaýtaryldy

Microsoft kompaniýasy Windows 11 ulanyjylarynyň iň köp soraýan aýratynlyklarynyň birini — wezipeler panelini ekranda erkin ýerleşdirmek mümkinçiligini yzyna gaýtarýar. Bu aýratynlyk Windows 95-den bäri bar bolsa-da, Windows 11-iň ilkinji wersiýalarynda diňe ekranyň aşagynda berkidilipdi...

Google indi EA-modellerine Disney gahrymanlarynyň suratlaryny döretdirmeýär
14.02.2026 18:16
1k+

Google indi EA-modellerine Disney gahrymanlarynyň suratlaryny döretdirmeýär

Google-yň emeli aň modelleri Disney gahrymanlary bilen baglanyşykly tabşyryklary ret edip başlady. Üýtgeşmeler dekabr aýynda Disney-iň kompaniýany intellektual eýeçilik hukuklaryny bozmakda aýyplamagyndan soň başlandy...

Windows 11 printerleriň köne modellerini goldamagyny bes etdi
09.02.2026 15:19
1.4k+

Windows 11 printerleriň köne modellerini goldamagyny bes etdi

​Ýanwar aýynda Microsoft kompaniýasy Windows 11 üçin täzelenme çykardy. Bu täzelenme bilen printerleriň könelen V3 we V4 wersiýaly draýwerleriniň goldawy bes edildi. Täzelenme tapgyrma-tapgyr ýaýradylýar we wagtyň geçmegi bilen ähli goldanylýan kompýuterlere gurlar...

Android enjamlarynyň 40%-den gowragy köne OS wersiýalary sebäpli uly howp astynda
09.02.2026 12:17
1.8k+

Android enjamlarynyň 40%-den gowragy köne OS wersiýalary sebäpli uly howp astynda

Google kompaniýasy häzirki wagtda ulanylýan ähli işjeň Android smartfonlarynyň 40%-den gowragynyň operasion ulgamynyň köne wersiýalary sebäpli howp astyndadygyny tassyklady. Bu görkeziji bütin dünýä boýunça bir milliarddan gowrak enjamyň kiberhüjümlere garşy goragsyzdygyny aňladýar...