Mýunhende germaniýaly lukmanlaryň Türkmenistanyň saglygy goraýyş ulgamyny ösdürmäge goşan goşantlaryna bagyşlanan dabaraly çäre geçirildi. Ol şäheriň taryhy «Baýrişer Hof» otelinde boldy. Bu çäre ýurduň hemişelik Bitaraplygynyň 30 ýyllygyna bagyşlandy.
Lýudwig-Maksimilian adyndaky Mýunhen uniwersitetiniň öňdebaryjy hünärmenleri: kardiohirurg Iogann Engelbert Meýsner, şeýle-de Klaus Georg Parhofer, Lizl Doris Hoýsserman-Mangold we Folkmar Ýansson Türkmenistanyň ilçisi Berdimyrat Rejepowyň elinden «Türkmenistanyň Bitaraplygynyň 30 ýyllygyna» atly ýubileý medallaryny we kümüş ýadygärlik nyşanlaryny aldy.
Sylaglanan lukmanlar türkmen hünärmenlerini taýýarlamakda we ýurduň lukmançylyk merkezlerine döwrebap tehnologiýalary ornaşdyrmakda uly hyzmatlary bitirdi. Olar bu işe Türkmenistanyň Garaşsyzlygynyň ilkinji ýyllaryndan bäri gatnaşyp gelýär.
Ilçi iki ýurduň lukmanlarynyň arasynda ynamly dialogyň ýola goýulmagyna ýardam beren köpýyllyk hyzmatdaşlyk we tejribe alyş-çalşygy üçin hünärmenlere minnetdarlyk bildirdi. Öz gezeginde, lukmanlar soňky onýyllyklarda Türkmenistanyň lukmançylyk infrastrukturasynyň düýpli döwrebaplaşdyrylandygyny we sebitde iň döwrebap ulgamlaryň birine öwrülendigini belledi.
Hünärmenler bu gazanylan üstünlikleriň Milli Lider Gurbanguly Berdimuhamedowyň üns-tagallasy we Prezident Serdar Berdimuhamedowyň goldawy netijesinde mümkin bolandygyny nygtady.
Mýunhende Türkmenistanyň saglygy goraýyş ulgamyna goşant goşan nemes lukmanlar sylaglandy
- şu gün 12:25
- 2.2k+
