2025-nji ýylyň ýanwar — noýabr aýlary aralygynda Türkmenistanda bank kartlary arkaly amala aşyrylan nagt däl tölegleriň umumy möçberi 20,2 milliard manatdan geçdi. Bu barada «Bank habarlary» elektron žurnaly habar berýär.
Amallaryň agramly bölegi terminallar arkaly amala aşyrylyp, onuň möçberi 16 milliard 839 million manada deň boldy. Şeýle hem, beýleki sanly ulgamlar arkaly aşakdaky görkezijiler hasaba alyndy:
- «Elektron söwda» ulgamy: 2 milliard 634 million manatdan gowrak;
- Bankomatlar arkaly tölegler: 498 million 684 müň manatdan gowrak;
- «Milli sanly töleg ulgamy» (Halkbank terminallary): 221 million 407 müň manatdan gowrak;
- «Mobil bank» hyzmaty: 42 million 102 müň manatdan gowrak;
- «Internet bank» ulgamy: 6 million 843 müň manatdan gowrak.
Bu görkezijiler ýurdumyzda sanly tölegleriň işjeň ulanylýandygyny we nagt däl dolanyşygynyň ähli ugurlar boýunça yzygiderli ösýändigini görkezýär.
