5-nji ýanwarda Tokionyň Toýosu bazarynda geçirilen 2026-njy ýylyň ilkinji söwdasynda agramy 243 kg bolan gök tunes balygy (bluefin tuna) ummasyz möçberdäki pula satyldy. TASS agentliginiň habar bermegine görä, balyk üçin — 510 million ýena (3,2 million dollar) tölendi.
Bu äpet balyk ýurduň demirgazygyndaky Aomori prefekturasynyň suwlarynda tutuldy.
Söwdany gurnaýjylar bu mukdaryň 1999-njy ýylyň ýanwar aýynda goýlan rekordy täzeländigini belleýärler. Şol wagt meňzeş lot üçin 333,6 million ýena (şol döwrüň kursy boýunça takmynan 2,9 million dollar) tölenipdi.
Ýerli restoran eýeleri abraý we ýylyň başyndaky iň uly söwdanyň işlerine rowaçlyk getirjekdigine bolan ynamy sebäpli şeýle uly çykdajylara girýärler. Mundan başga-da, bu ýurduň iň gymmat balygynyň tagamyny datmak üçin nobata durmaga taýyn bolan müşderileri çekmegiň ajaýyp usulydyr.
