«Türkmenistan» awiakompaniýasy 2026-njy ýylyň 4-nji ýanwaryndan başlap, Aşgabat – Abu-Dabi – Aşgabat ugry boýunça yzygiderli ýolugçy gatnawlarynyň sanyny artdyrýar. Indi Birleşen Arap Emirlikleriniň paýtagtyna uçuşlar hepdede iki gezek amala aşyrylar.
Häzirki hereket edýän tertibe goşmaça hökmünde, her hepdede ýekşenbe güni täze gatnaw goşuldy. Tassyklanan tertibe laýyklykda:
- T5-827 belgili gatnaw: Aşgabatdan sagat 04:25-de uçýar we Abu-Dabä sagat 05:55-de barýar.
- T5-828 belgili yzyna gaýdyş gatnawy: Abu-Dabiden sagat 07:25-de uçýar we Aşgabada sagat 09:55-de gonýar.
Häzirki wagtda anna günleri sagat 17:45-de amala aşyrylýan gatnaw üýtgewsiz galar.
Bu çäreler Aşgabady halkara üstaşyr merkezi hökmünde ösdürmek strategiýasynyň çäginde amala aşyrylýar. Uçuşlaryň geriminiň we ýygylygynyň artdyrylmagy milli awiaulgamyň dünýä ulag ulgamyna goşulyşmagyna, şeýle hem ýolagçylar üçin hyzmatlaryň kämilleşdirilmegine gönükdirilendir.
