Huawei kompaniýasy şu ýylyň ilkinji üç çärýeginiň netijeleri boýunça dünýäniň akylly sagatlar we fitnes trekerleri bazarynda birinji orny eýeledi.
IDC analitiki agentliginiň statistikasyna görä, korporasiýa hasabat döwründe 28,6 million enjam satyp, 18,6% bazar paýyny gazandy. Öndürijiniň satuw ösüşi 21,6%-e deň boldy. Iberişleriň esasy bölegi Hytaýyň içerki bazaryna ugradylyp, ol ýerde 20,8 million birlik önüm satyldy.
Xiaomi 27,9 million enjam bilen sanawyň ikinji setirinde ýerleşdi. Kompaniýanyň paýy 18,1%, ösüş görkezijisi bolsa 36,1%-e ýetdi.
Apple kompaniýasy hem 27,9 million enjam satyp, bazaryň 18,1%-ini eýeledi we üçünji orunda galdy. Seljerijiler statistiki taýdan örän ujypsyz tapawut sebäpli Apple-y üçünji orunda ýerleşdirdiler.
Öňdebaryjy öndürijileriň sanawynda dördünji orny Samsung eýeledi.
