Hytaýyň Guandun welaýatyndan orta mekdebiň gyz okuwçysy bir minutda 422 gezek ýüpde böküp, täze dünýä rekordyny goýdy. Bu barada «Beýszin žibao» hytaý gazeti habar berýär.
Üstünlik Uly aýlagyň Guandun-Gonkong-Makao sebitinde ýetginjekleriň arasynda açyk ýaryşyň deslapky tapgyrynyň dowamynda hasaba alyndy. Rekord eýesi Foşan şäheriniň ýaşaýjysy boldy.
«Guandun welaýatynyň Foşan şäherinden orta mekdebiň okuwçysy Çen Szýasin bir minutda 422 gezek ýüpde bökdi» — diýip, çeşme habar berdi.
Mundan öň, ýanwarda Çanszi uniwersitetiniň 23 ýaşly talyby Alapati Ýimaýer bir minutda 388 gezek ýüpde böküp, dünýä rekordyny goýupdy.
