Täze «Köpüň biri» serialy (Pluribus) Apple TV striming platformasynda iň meşhur serial boldy. Taslama tomaşa sany boýunça platformanyň «Bölünişik», «Ted Lasso» we «Säher şüweleňi» ýaly meşhur taslamalaryndan öňe geçdi.
Ozal serial 2025-nji ýylyň jemi boýunça eýýäm platformanyň iň köp görülýän serialy bolupdy. Şol bir wagtyň özünde, Apple TV tomaşa sany barada takyk maglumatlary bermeýär.
Serialyň režissýory «Garadangaýtmaz» (Во все тяжкие) we «Gowusy, Sola jaň ediň» (Лучше звоните Солу) seriallaryny dörediji Wins Gilligan boldy.
Birinji bölümiň premýerasy 7-nji noýabrda boldy, jemleýji 9-njy bölüm 26-njy dekabrda çykar. Taslama eýýäm ikinji möwsüme uzaldyldy.
Waka Nýu-Meksiko ştatynyň Albukerke şäherinde ýaýbaňlanýar. Sýužet «dünýäni şatlykdan halas etmeli ýerdäki iň betbagt adam» diýlip atlandyrylýan Kerol atly aýalyň töwereginde jemlenýär.
Baş keşbi «Gowusy, Sola jaň ediň» serialynda Kim Ueksleriň keşbi bilen tanalýan Ria Sihorn ýerine ýetirdi. Şeýle-de, aktýorlar düzümine Karolina Wydra we Karlos Manuel Wesga girdi; çagyrylan ýyldyzlar hökmünde Miriam Şor we Samba Şutte gatnaşdy.
