Forbes neşiri amerikaly režissýor Jeýms Kemerony resmi taýdan milliarder hökmünde ykrar etdi we onuň şahsy baýlygyny 1,1 milliard dollar möçberinde hasaplady.
1980-nji ýyllarda "Terminator" we "Gelmişekler" (Aliens) filmleri bilen karýerasyna başlan Kemeronyň döreden eserleri dünýäniň kassa ýygymynda jemi 9 milliard dollar toplady. Onuň 2009-njy ýyldaky "Awatar" filmi häzirki wagtda 2,9 milliard dollar hasyly bilen taryhda iň köp girdeji gazanan filmdir.
Ondan öň Jorj Lukas, Stiwen Spilberg, Piter Jekson we Taýler Perri ýaly kino ussatlary milliarderleriň hataryna goşulypdylar.
