Britaniýaly heýkeltaraş Dewid Lindon (David Lyndon) dünýäde el bilen ýasalan iň kiçi iş hökmünde täze rekord goýan "Sary smaýlik" atly täze mikroskopiki heýkelini hödürledi. Ýylgyrýan şary ýatladýan miniatýuranyň ölçegleri bary-ýogy 11,037 we 12,330 mikrona deňdir.
Ölçegleri boýunça "Sary ýylgyryş" adamyň gan öýjügine ýa-da kömelegiň sporasyna meňzeş bolup, ony ýönekeý göz bilen görmek mümkin däl.
Heýkeltaraş öz mikrominiatýurasyny poçta markasynyň üstünde, şa aýal Ýelizaweta II-niň gözüniň şekilini emele getirýän kiçijik syýa nokatlarynyň birini saýlap ýerleşdirdi. Mikroskop astynda seredilende, smaýligi gurşap alýan gülgüne reňkli tegmilleri anyklamak kyn.
Dewid Lindonyň täze işi, onuň öňki rekord goýan döredijiliginden – ölçegleri 0,02517 mm we 0,02184 mm bolan "Lego kerpiçinden" iki esse kiçi boldy.
Ussanyň mikrominiatýuralary eýýäm 12 gezek Ginnesiň rekordlar kitabyna girizildi.
