Hýustonyň ýaşaýjysy (Tehas ştaty, ABŞ) Taýeşa Elam üç müňden gowrak Marvel predmetini ýygnap, Ginnesiň rekordlar kitaby tarapyndan resmi taýdan ykrar edildi. Olardan 2546 predmet resmi taýdan kolleksiýa üçin niýetlenen hasaplanýar – bu hem ony dünýäde «Gara babyra» (Черная пантера) bagyşlanan iň uly kolleksiýanyň eýesine öwürýär.
Taýeş kolleksiýa ýygnamaga 2018-nji ýylyň fewralynda ejesi bilen bilelikde «Gara babyr» barada ilkinji filme tomaşa edenden soň başlady.
«Ilkibaşda men predmetleri bu ajaýyp ýatlamany saklamak üçin ýygnap başladym» - diýip, ol gürrüň berýär. Ol ilki Gara babyryň maskasyny we Nakiýa bilen Şuriniň gurjaklaryny satyn aldy. «Biz bu üç predmetiň beýleki müňlerçe predmete getirjekdigi barada pikir etmändik» - diýip, Taýeşa aýdýar.
Wagtyň geçmegi bilen kolleksiýa onuň durmuşynyň bir bölegine öwrüldi. Ol kolleksiýasynyň üstüni ýetirmek üçin dünýä boýunça syýahat edip, Germaniýa, Fiji, Beýik Britaniýa we Awstraliýa ýaly ýedi ýurtda «Wakanda baky» filmine tomaşa etdi. Häzir onuň öýünde Funko heýkeljikleri, çäkli çykarylan Coach harytlary, dürli ýurtlaryň kinoteatrlaryndan kolleksiýa bulgurlary we bedreleri bar.
Taýeşa özi üçin kolleksiýanyň ýönekeý bir güýmenje däldigini, gahrymanlar hem olaryň maşgala we medeni gymmatlyklary bilen aýratyn baglanyşygy duýýandygyny aýdýar.
