Şweýsariýada 2026-njy ýyl üçin Prezident hökmünde ykdysadyýet ministri Gi Parmelen saýlandy. Ol bu wezipäni 2021-nji ýylda-da eýeläpdi.
Ýurduň parlamentinde habar berlişi ýaly, ol berlen 228 býulletenden Federal ýygnagyň deputatlaryndan 203 ses aldy. Şweýsariýada Prezident wezipesiniň, esasan, simwolik häsiýete eýedigine we çözgüdi Federal geňeşiň kabul edýändigine garamazdan, şeýle netije soňky ýyllarda iň ýokary netijeleriň biri hasaplanýar. Deňeşdirmek üçin, 2024-nji ýylda Prezident hökmünde 204 deputatdan 158 ses alan öňki goranmak we sport ministri Wiola Ahmerd saýlanypdy. Wezipeden gidýän Karin Keller-Zutteri bolsa 203 deputatdan 168 sanysy goldady. Parmelen birinji gezek bu wezipäni eýelän wagty ony 188 deputat goldapdy.
66 ýaşly Parmeleniň asly Wo frankofon kantonyndan diýip, RTS teleýaýlymy habar berýär. Ol ozal Goranmak ministrligine ýolbaşçylyk etdi, 2019-njy ýyldan bäri bolsa Ykdysadyýet, bilim we ylmy gözlegler ministrligine ýolbaşçylyk edýär. Hünärmenleriň aýtmagyna görä, Parmelen dürli ugurlarda köpýyllyk tejribesiniň bolmagy bilen Şweýsariýanyň hökümetinde möhüm orny eýelemegi başardy.
Şweýsariýada Prezident Federal geňeşe girýän ýedi ministrden gezekli-gezegine bir ýyl möhlet bilen saýlanýar. Onuň roly, esasan, wekilçilik işleri we hökümet işini utgaşdyrmak bilen çäklenýär.
