“Mançester Sitiniň” we Norwegiýanyň ýygyndysynyň hüjümçisi Erling Holand 200 million ýewro bahasy bilen dünýäniň iň gymmat futbolçysy boldy. Transfermarkt-iň täzelenen reýtingine görä, norwegiýaly oýunçynyň transfer bahasy 20 million ýewro ýokarlanyp, “Barselonanyň” we Ispaniýanyň ýygyndysynyň wingeri Lamin Ýamal bilen deňleşdi.
Portalyň hünärmenleri Angliýanyň Premýer-ligasynyň (EPL) oýunçylarynyň bazar bahasynyň täzelenen reýtingini çykardylar. Holanddan başga-da, EPL-iň iň gymmat on oýunçysynyň hataryna aşakdaky futbolçylar girdi:
- Bukaýo Saka (“Arsenal”) - 130 million ýewro;
- Koul Palmer (“Çelsi”) - 120 million ýewro;
- Deklan Raýs (“Arsenal”) - 120 million ýewro;
- Aleksandr Isak ("Liwerpul" ) - 120 million ýewro;
- Moýzes Kaýsedo (“Çelsi”) - 110 million ýewro;
- Florian Wirs ("Liwerpul" ) - 110 million ýewro;
- Wilýam Saliba (“Arsenal”) - 90 million ýewro;
- Raýan Grawenberh (“Liwerpul”) - 90 million ýewro;
- Ýugo Ekitike ("Liwerpul") - 85 million ýewro.
25 ýaşly Holand 2022-nji ýyldan bäri “Mançester Sitiniň” düzüminde oýnap gelýär. Bu klub bilen norwegiýaly oýunçy iki gezek Angliýanyň çempiony we Çempionlar ligasynyň ýeňijisi boldy. EPL-de hüjümçi 112 oýun oýnap, 100 gol geçirdi we 20 asist etdi. Şeýle hem, ol 48 oýunda 55 gol geçirip, Norwegiýanyň milli ýygyndysynda taryhdaky iň köp gol geçiren oýunçy hasaplanýar.
