10-njy dekabrda Türkmenistanyň daşary işler ministriniň orunbasary Ahmet Gurbanow Ispaniýanyň Türkmenistandaky ilçisi (oturýan ýeri Moskwa ş.) Rikardo Martines Waskesiň bilen duşuşdy.
Ilçi Türkmenistanyň Bitaraplygynyň 30 ýyllygy we Halkara Bitaraplyk güni mynasybetli geçirilýän halkara çärelere gatnaşmak üçin Aşgabada geldi diýip, Türkmenistanyň DIM-nde habar berdiler.
Diplomatlar ikitaraplaýyn hyzmatdaşlygynyň wajyp gün tertibini ara alyp maslahatlaşdylar, şeýle hem iki ýurduň arasyndaky özara gatnaşyklary ösdürmegiň mümkinçilikleri babatda pikir alyşdylar.
Iki ýurduň halkara we sebit guramalarynyň çäklerinde, ilkinji nobatda, BMG-niň ugry boýunça netijeli hyzmatdaşlygy alyp barýandygy bellenildi. Muny taraplaryň öňe sürýän başlangyçlaryny özara goldamak tejribesinde görmek bolýar.
Taraplar ileri tutulýan ugurlarda hyzmatdaşlygy işjeňleşdirmegiň möhümdigini bellediler. Hususan-da, bilim maksatnamalary we ispan diliniň öwrenilmegi ýaly ugurlardaky mümkinçilikler ara alnyp maslahatlaşyldy.
