“Juda geň işleriň” (Stranger Things) bäşinji möwsümi Netflix-de iňlis dilindäki seriallaryň arasynda täze tomaşaçy rekordyny goýdy. 26-njy noýabrda çykan soňky möwsümiň ilkinji dört bölümine bir hepdäniň içinde 59,6 million gezek tomaşa edildi diýip, Deadline neşiri ýazýar.
Mundan ozal iňlis dilindäki görkezilişleriň arasynda rekord, dört günde 56 million gezek tomaşa edilen “Wensdeý” (Wednesday) serialyna degişli bolup gelýärdi.
Netflix-iň dünýä boýunça ilkinji görkezilişleriniň umumy reýtinginde bu fantastiki şüweleň Günorta Koreýanyň “Kalmar oýny” (Squid Game) taslamasyndan yza galýar. Şol serialyň ikinji möwsümi öňküsi ýaly dünýä rekordyny saklap, çykandan soň dört günüň içinde 68 million tomaşaçy gazanypdy. “Kalmar oýnunyň” üçünji möwsümi hem gowy netijeleri görkezip, üç günde 60 million gezek tomaşa edildi.
“Juda geň işleriň” bäşinji möwsüminiň ikinji ýarymy 26-njy dekabr gijesinde görkeziler. Serialyň uly finaly 1-nji ýanwarda bolar.
