Runway emeli aň tarapyndan döredilen wideolaryň hakykata golaýlygyny täze derejä çykarýan Gen 4.5 modelini hödürledi. Bu barada The Verge neşiri habar berýär.
Täze generator dessine "Artificial Analysis"-iň "Video Arena" atly, tekst beýanyndan wideo döretmäge niýetlenen EA modelleriniň reýtinginde Google Veo 3 we OpenAI Sora 2 Pro ýaly esasy bäsdeşlerinden öňe geçip, birinji orny eýeledi.
Runway blogy “kinematografik hiliň netijeleri” barada habar berýär. Diňe bir peýzažlaryň, adamlaryň, haýwanlaryň we jisimleriň wizual takyklygyna däl, eýsem hereket edýän obýektleriň fizikasynyň içgin işlenmegine hem üns berilýär. Suwuklyklaryň özüni alyp barşy şeýle bir realistik durmuşa geçirilýär welin, tejribesiz tomaşaçy üçin wideonyň emeli aň arkaly döredilendigini çaklamak hem kyn.
Runway Gen 4.5 hyzmatyň ähli ulanyjylaryna kem-kemden ýaýradylýar. Kompaniýanyň wekilleriniň sözlerine görä, täze model çaltlygy we täsirliligi boýunça öňküden kem bolmaz. Şeýle-de bolsa, ilkinji nobatda wideolardaky obýektleriň özara täsiriniň logikasy bilen baglanyşykly käbir kemçilikler henizem göze ilýär. Runway-yň döredijileri täze modeliň döredilen wideolary düşündirişdäki stilistik talaplara has gowy uýgunlaşdyrýandygyny we has ajaýyp wizual effektleri gazanyp biljekdigini öňe sürýärler.
