1 – 15-nji dekabr aralygynda Halkara ynsanperwer ylymlary we ösüş uniwersitetinde 2026/2027-nji okuw ýyly üçin Hytaý Halk Respublikasynyň hem-de Wengriýanyň ýokary okuw mekdeplerinde bilim almak isleýän Türkmenistanyň raýatlarynyň resminamalary kabul edilýär.
Türkmenistanyň Bilim ministrliginiň habar bermegine görä, hünärleriň sanawy, ýokary okuw mekdeplerine ýokary hünär bilimi (bakalawr) maksatnamasy boýunça okuwa kabul ediljek dalaşgärleriň sany, şeýle hem okuwyň şertleri baradaky maglumatlary uniwersitetdäki Kabul ediş toparyndan alyp bolar.
Resmi iş kagyzlarynyň sanawy Bilim ministrliginiň saýtynda çap edildi.
Dalaşgärleri seçip alyş işi akademiki bahalandyryş synaglarynyň netijesine laýyklykda, bäsleşik esasynda kesgitleniler.
Halkara ynsanperwer ylymlary we ösüş uniwersitetiniň salgysy: Aşgabat ş., 1958-nji (Andalyp) köçesi, 169.
Telefon belgileri: (+993 12) 39-85-62, 39-85-25.
Elektron salgysy: admissioniuhd@gmail.com
